اگر والدہ کی وفات سے پہلے بیٹا مر جائے تو کیا اس کے بچوں اور بیوہ کو جائیداد میں حصہ ملتا ہے جبکہ بچے زیر کفالت ہوں

Question

میں ایک بیوہ ہوں اور میرے دو بچے ہیں جو ابھی میرے ہی زیر کفالت ہیں میرے خاوند کا انتقال میرے ساس سے پہلے ہوا کیا میں یا میرے بچے ان کی وراثت کے حق دار ہیں اگر ہیں تو کتنا حصہ بنتا ہے

Comments

مشکل سوال ہے

Answer 1

ایسے سوال عام طور پر مشکل لگتے ہیں لیکن اگر ہم اسلام کے قانون وراثت کا مطالعہ کریں تو یہ ذرا بھی مشکل نہیں ہوتے۔

اردو جواب پر اسی طرح کا ایک اور سوال بھی پوچھا گیا تھا جو کہ دادا اور بیوہ بہو کے متعلق تھا۔ یہاں بھی وہی صورتحال ہے۔  ملاحظہ ہوں۔

شریعت نے وراثت میں حقداران ہونے کے لیے وارث کے زندہ ہونے کی شرط رکھی ہے۔ یعنی مذکورہ سوال میں فوت ہونے والی عورت کا بیٹا اس کی زندگی میں ہی فوت ہوگیا ہے تو اس صورت میں وہ بیٹا یا اس کی بیوی یا اس کے بچے اس وراثت کے حقدار نہ ہوں گے۔ کیونکہ بیوی کا تعلق شوہر کی وراثت سے ہوتا ہے ساس کی وراثت سے نہیں۔ اسی طرح بچوں کا تعلق باپ کی وارثت سے ہوتا ہے لیکن دادی کی وراثت کے حقدار نہیں ہوتے۔  بلکہ دادی کے زندہ بیٹے، بیٹیاں ، شوہر اور والدین وراثت کے حقدار ہوں گے۔

جیسا کہ ارشادِ باری تعالیٰ ہے:
ترجمہ: ’’ہر ایک کے لیے ہم نے اس ترکے کے وارث بنائے ہیں جسے والدین اور قریب تر رشتہ دار چھوڑ جائیں۔‘‘ النساء 33:4
اس آیتِ کریمہ سے بھی معلوم ہوتا ہے کہ قریبی رشتہ دار کی موجودگی میں دور والا رشتہ دار محروم ہو گا، لہٰذا زندہ وارثان کی موجودگی میں پوتا وراثت سے حصہ نہیں پائے گا۔

البتہ دادی اپنے یتیم پوتوں کا خیال کرتے ہوئے فوت ہونے سے پہلے اپنی وراثت سے ان کے لیے وصیت کرسکتی ہے جو کہ اس کے لیے باعث اجر بھی ہوگا۔

لیکن ایک بات ذہن میں رکھیں کہ پاکستان کے موجودہ قانون کے مطابق پوتے اپنے دادا یا دادی کی وراثت میں حقدار ہوں گے۔