السلام علیکم!
اس کے دو حل موجود ہیں۔
طریقہ نمبر1۔
عام طور پر ہر سسٹم میں Winrar سافٹ وئیر موجود ہوتا ہے۔ آپ اپنی USB کو اس سافٹ وئیر میں کھولیے۔ اس میں موجود تمام ڈیٹا دکھائی دے گا۔ سب سے اوپر ایک ایسا فولڈر دکھائی دے گاجس کا کوئی نام نظر نہیں آئے گا۔ آپ کا تمام تر ڈیٹا اسی فولڈر میں موجود ہے۔ ڈیٹا کو سلیکٹ کرکے کیبورڈ شارٹ کٹ سے کاپی (Ctrl+C) یا کٹ (Ctrl + X) کرلیں۔ اور ڈیسک ٹاپ یا کسی ڈرائیو میں ایک فولڈر بنا کر وہاں پیسٹ (Ctrl+V) کرلیں۔
یہ کام مکمل ہونے کے بعد USB فارمیٹ کرلیں اور اپنا تمام ڈیٹا واپس USB میں کاپی کرلیں۔
یہ طریقہ ایک دو USB کی حد تک تو مناسب ہے لیکن اگر آپ کا کام ایسا ہے کہ آپ کو بہت ساری USB سسٹم کے ساتھ مسنلک کرنا پڑتی ہیں تو یقیناً یہ ایک مشکل اور وقت طلب کام ہے۔ اس صورت میں ہم طریقہ نمبر 2 استعمال کرتے ہیں۔
طریقہ نمبر 2۔
اس طریقے میں آپ کو ایک فری اینٹی وائرس انسٹال کرنا ہوگا۔ SMADAV بالکل فری ہے اور اس سائز 2MB سے بھی کم ہے۔ یہ سافٹ وئیر آپ SMADAV کی آفیشل سائٹ https://www.smadav.net/ سے فری ڈاؤنلوڈ کرسکتے ہیں۔ اسے انسٹال کریں اور چلادیں۔ اس کے بعد وائرسے متاثرہ کوئی بھی USB لگائیں۔ یہ خودکار طریقہ سے اسے سکین کرکے ایک پاپ اپ باکس ظاہر کرے گا۔ اس میں سے Fix All پر کلک کردیں۔
یہ وائرس ختم کرنے کے ساتھ ساتھ Hidden ڈیٹا کو بھی Show کردے گا۔
والسلام
